"Atletiko" hujumchisi Alvaro Morata klubda qolish qarorini tushuntirdi.
Ispaniyalik futbolchiga yozgi transferlar vaqtida Saudiya Arabistoni chempionati vakillari qiziqish bildirishgan va 30 yoshli forvard uchun A Seriya klublari ham ariza topshirishgan.
“Men ketishga yaqin qolgandim, chunki o‘zimni jamoa uchun muhim his qilishni xohlardim. Men murabbiy bilan, Koke, Ermoso, Lyorente bilan gaplashdim va shundan keyin ketishning iloji bo‘lmadi. Simeone bilan bo‘lgan suhbat yakuniy qarorimga katta ta’sir ko‘rsatdi", - dedi Morata.
Alvaro Morataning "Atletiko" bilan shartnomasi kelasi yilning o‘rtalariga qadar amal qiladi. Futbolchi shu paytgacha sakkiz o‘yinda 7 ta gol urdi.
