"Chelsi"dan ijara asosida harakat qilayotgan "Roma" hujumchi Romelu Lukaku qishda jamoasini o‘zgartirishi mumkin.
Yaqinda ishonchli manbalardan ma’lum bo‘lishicha, London klubi belgiyalikni keyingi yozda sotishga tayyor. Biroq jurnalist Ekrem Konurning yozishicha, nomlari oshkor etilmagan Saudiya klublari 30 yoshli forvard uchun taklifni ancha oldinroq — yanvarda yuborishni rejalashtirgan.
Romelu Lukaku o‘tgan yozda Yevropani tark etishi mumkin edi, ammo, mish-mishlarga ko‘ra, u Saudiya Arabistoni takliflarini rad etgan. "Chelsi" bilan shartnomasi 2026 yilgacha tuzilgan futbolchi joriy mavsumda "Roma" safida 8ta o‘yinda maydonga tushib, 7ta gol urdi.