«Sevilya» himoyachisi Markos Akunya Ispaniyani tark etib, faoliyatini «Tumanli Albion»da davom ettirishi mumkin.
Tribal Football xabariga ko‘ra, 31 yoshli argentinalik futbolchining xizmatlariga Birmingemning «Aston Villa» klubi qiziqish bildirmoqda.
Ingliz klubi yanvardagi transfer oynasida Akunya bilan shartnoma imzolamoqchi edi. Futbolchining transfer qiymati o‘n million yevroga baholanmoqda.
Markosning andalusiyaliklar bilan tuzilgan mehnat shartnomasi 2025 yilning o‘rtalariga qadar amal qiladi.
Ispaniya chempionatining joriy mavsumida himoyachi to‘rtta o‘yin o‘tkazib, birorta ham gol ura olmadi.