UEFA Chempionlar ligasi guruh bosqichi 3-turi doirasida Madridning “Real” klubi safarda Portugaliyaning “Braga” klubi mehmoni bo‘ldi. Uchrashuv 2:1 hisobida Karlo Anchelotti shogirdlarining g‘alabasi bilan yakunlandi.
Squawka xabariga ko‘ra, ispan grandi ushbu turnirdagi 108-raqibini mag‘lub etdi. Bu mutlaq rekordidir.
Uch turdan so‘ng Madrid klubi o‘z to‘rtligining yakka peshqadami bo‘lib turibdi. Jamoa to‘qqiz ochkoni qo‘lga kiritdi. Keyingi turda “Los Blankos” Madriddagi uy stadionida “Braga”ni qabul qiladi. O‘yin 8 noyabr, chorshanba kuni bo‘lib o‘tadi.
