Sandro Tonali futbolga pul tikgani uchun 10 oyga diskvalifikasiya qilinishidan oldin oxirgi o‘yinini o‘tkazgan bo‘lishi mumkin.
"Nyukasl" yarim himoyachisi Chempionlar ligasi doirasida Dortmundning "Borussiya"si bilan o‘yinda 65-daqiqada 0:1 hisobi vaqtida maydonga tushdi. U Shon Longstaffning o‘rnini egalladi.
Oldinroq Tonali "Milan"da harakat qilgan vaqtlarda klub o‘yinlariga garov qo‘yganini tan olgandi. Shuningdek, u tergovchilarga qimor o‘yinlariga qaramlikdan azob chekayotganini aytdi.
Futbolchi 10 oylik futboldan chetlatilganidan tashqari, qimor o‘yinlari uchun reabilitasiyadan o‘tadi.
Tonali Premyer-liganing qolgan mavsumini o‘tkazib yuboradi va agar Italiya Yevro-2024ga chiqsa, u yerda ham o‘ynamaydi.
