"Milan" bosh murabbiyi Stefano Pioli Chempionlar ligasining 4-turi oldidan kadrlar bilan bog‘liq muammolarga duch keldi.

Sky Sport nashri xabariga ko‘ra, "rossonerlar" himoyachilari Pyer Kalulu va Marko Pellegrino jiddiy jarohat olgan.

Fransiyalik futbolchi chap oyog‘ining son mushagini shikastlab oldi, buning uchun jarrohlik amaliyoti talab etiladi. Argentinalik futbolchining oyog‘ida suyak singan va uni konservativ usullar bilan davolashadi. Shu bilan birga, Kristian Pulishichning son qismidagi jarohati jiddiy emasligi, u “Udineze” bilan keyingi o‘yinda tiklanishi, shuningdek, Chempionlar ligasida o‘ynashi kerak.

Eslatib o‘tamiz, Pulishich yozda "Milan" klubiga kelib qo‘shilgandi. 13 uchrashuvda u 4 ta gol urdi va 2 ta golli uzatmani amalga oshirdi.

"Milan" ayni damda 22 ochko bilan A Seriya turnir jadvalida 3-o‘rinni egallab turibdi. Chempionlar ligasida “rossonerlar” atigi ikki ochko bilan to‘rtinchi o‘rinda bormoqda.