O‘zbekiston terma jamoasi JCH-2026 saralashi doirasida tashrif buyuradigan ilk mamlakat - Turkmanistonga kirish uchun haligacha koronavirusga PSR testi topshiriladi.
Hozirda dunyoning boshqa mamlakatlarida ortiq qo‘llanilmayotgan bu amaliyot - Turkmanistonda haligacha saqlanib qolgan. Ya’ni test natijasi ijobiy chiqqan delegasiya vakili yoki futbolchi darhol izolyasiya qilinadi.
Test natijasining qanday chiqishi to‘liqligicha mezbonlarning qo‘lida. Tasavvur qiling, Ashxobod aeroportida yetakchi futbolchilarimizda "kutilmaganda koronavirus aniqlangan" taqdirda, bu testning noto‘g‘ri ekanligini kim, qanday isbotlab bera oladi?
COVID-19 avj olgan 2019-2020 yillarda, ba’zi mezbon davlatlar ushbu ayyorlikdan foydalangan bir nechta holatlar kuzatilgan edi. Bu vaziyatda, tashqi dunyodan uzilgan holda, o‘z qoidalari asosida yashovchi mamlakat rasmiylarining insofiga umid qilishdan boshqa ilojimiz yo‘q.
