Milanning “Inter” klubi bosh murabbiyi Simone Indzagi jamoasining “Zalsburg”ga (1:0) qarshi o‘yindagi muvaffaqiyatidan so‘ng o‘z fikrlari bilan o‘rtoqlashdi.
"Neradzurrilar" 85-daqiqada Lautaro Martinesning penaltidan urgan goli evaziga Avstriyadan uch ochko olib ketishdi. Bugungi g‘alaba “Inter”ni muddatidan avval Chempionlar ligasining 1/8 finaliga olib chiqdi.
“Jismoniy tayyorgarligi yuqori bo‘lgan jamoaga qarshi ajoyib o‘yin o‘tkazdik. Oxirgi 20 daqiqada bosimni ushladik va o‘yin nazoratini qo‘lga oldik.
Guruh bosqichi tugashiga ikki tur qolganda Chempionlar ligasi pley-off bosqichiga chiqqanimizdan juda faxrlanamiz - bunday voqea anchadan beri sodir bo‘lmagandi. Bu yoqimli, ammo qolgan o‘yinlarga jiddiy qaraymiz", - dedi Indzagi Football Italia bilan suhbatda.
