Миланнинг “Интер” клуби бош мураббийи Симоне Индзаги жамоасининг “Зальцбург”га (1:0) қарши ўйиндаги муваффақиятидан сўнг ўз фикрлари билан ўртоқлашди.
"Нерадзуррилар" 85-дақиқада Лаутаро Мартинеснинг пенальтидан урган голи эвазига Австриядан уч очко олиб кетишди. Бугунги ғалаба “Интер”ни муддатидан аввал Чемпионлар лигасининг 1/8 финалига олиб чиқди.
“Жисмоний тайёргарлиги юқори бўлган жамоага қарши ажойиб ўйин ўтказдик. Охирги 20 дақиқада босимни ушладик ва ўйин назоратини қўлга олдик.
Гуруҳ босқичи тугашига икки тур қолганда Чемпионлар лигаси плей-офф босқичига чиққанимиздан жуда фахрланамиз - бундай воқеа анчадан бери содир бўлмаганди. Бу ёқимли, аммо қолган ўйинларга жиддий қараймиз", - деди Индзаги Football Italia билан суҳбатда.
