2023/24 yilgi mavsumdagi uchinchi xalqaro tanaffus keldi va aksariyat Yevropa ligalaridagi jamoalar 10 dan ortiq o‘yin o‘tkazdi. Kuchli olti ligada ishtirok etayotgan yuzdan ortiq jamoalar orasida chempionatda hali birorta ham o‘yinda mag‘lub bo‘lmagan to‘rtta jamoa bor.

"Nissa" Liga 1da 12 ta o‘yindan beri mag‘lubiyatga uchramagan, ammo qiziq tomoni shundaki, ular ligada birinchi o‘rinda emas. Sababi juda ko‘p durang (5), ammo Chempionlar ligasi uchun kurashayotgan zonadan ajralib chiqish uchun g‘alabalar (7) yetarli.

"Bayer" va "Bavariya" Bundesligada hamon mag‘lubiyatga uchramadi va mos ravishda birinchi va ikkinchi o‘rinlarni egallab turibdi. Qolaversa, Alonso boshchiligidagi "Bayer" faqat bir marta ochko yo‘qotdi. Tomas Tuxelning "Bavariya"siga qarshi mehmonda. Chempionatdagi navbatdagi to‘qnashuv fevral oyida bo‘lib o‘tadi.

PSV o‘z chempionatidagi joriy formasi bo‘yicha top-6 ligadagi eng yaxshi jamoa: 12 uchrashuvdan 12 tasida g‘alaba, 36 ta imkoniyatdan 36 ochko. Shu bilan birga, ular 45 ta gol urib, atigi 5 ta gol o‘tkazib yuborishgan. Ajoyib.

“Manchester Siti”, “Real”, “Barselona” va “PSJ” o‘z chempionatlarida kamida bir marta mag‘lubiyatga uchragan.