«Chelsi»ning sobiq darvozaboni Petr Chex amaldagi chempion «Belfast Djayants» bilan Britaniya Elit Xokkey Ligasida debyut qildi.
Chex jarohatlangan darvozabon Tayler Beskorovani o‘rniga «Glazgo Klen»ga qarshi o‘yin tugashiga to‘rt daqiqa qolganida muzga tushdi va bahs 5:1 hisobida jamoasi foydasiga hal bo‘ldi. Chexiyalik darvozabon hisobdagi farqni saqlab qoldi.
Chex futbolchilik faoliyatini 2019 yilning yozida yakunlagandi. U to‘rt karra Angliya chempioni, «Chelsi» bilan Chempionlar ligasi va Yevropa ligasi g‘olibi bo‘lgan.
