"Manchester Yunayted" darvozaboni Andre Onana jamoaning asosiy tarkibidagi o‘rnini yo‘qotishi mumkin.
Daily Mirror xabariga ko‘ra, "Manchester Yunayted" bosh murabbiyi Erik ten Xag Onanaga gol o‘tkazib yuborilishiga olib keladigan yana bir xatoga yo‘l qo‘ysa, asosiy tarkibdagi o‘rnini zaxira darvozaboni Oltoy Bayindirga berishini aytgan.
Joriy mavsumda 27 yoshli Onana barcha turnirlarda 20 ta uchrashuvda qatnashib, o‘z darvozasidan 33 ta gol o‘tkazib yubordi va yetti marta o‘z darvozasi daxlsizligini saqlab qola oldi.
