Fransiya terma jamoasi bosh murabbiyi Didye Desham jarrohlik amaliyotidan so‘ng kelasi yilgi Yevropa chempionatining shanba kungi qur’a tashlash marosimida qatnashmaydi.

Fransiya federasiyasi juma kungi bayonotida Desham bir necha hafta davomida bel og‘rig‘idan keyin shu hafta boshida operasiya qilinganini aytdi. Uning o‘rniga Fransiya nomini yordamchi murabbiy Gi Stefan himoya qiladi.

«Men qur’a tashlash marosimiga bormaslikka qaror qilganim bejiz emas edi. Bu har doim yoqimli lahza, bu vaqtda men hamkasblarim bilan suhbatlashishni juda yoqtiraman. Ammo bir necha kunlik dam olishimni buyurishdi», – dedi Desham.

Eslatib o‘tamiz, Germaniya va Fransiya, Portugaliya, Ispaniya, Belgiya va Angliya Gamburgdagi 24 jamoadan iborat qur’a tashlash marosimi uchun 1-savatchadan joy olgan.