Lionel Messi "Inter Mayami"ga o‘tishga qanday qaror qilganini tushuntirib berdi.

"Yaxshiyamki, menda bir nechta qiziqarli variantlar bor edi va men ularni tahlil qilishim va ular haqida o‘ylashim, "Inter Mayami"ga o‘tish bo‘yicha yakuniy qaror qabul qilishdan oldin ularni oilam bilan birga maslahatlashishim kerak edi.

Mening birinchi variantim – “Barselona”ga qaytish edi. Ammo bu imkonsiz bo‘lib chiqdi. Men qaytib kelishga harakat qildim, lekin bo‘lmadi.

Saudiya Arabistoni chempionati ham variant edi. Ligaga kelish haqida ko‘p o‘yladim.

Men bu mamlakatni bilaman, ular yaqin kelajakda muhim ligaga aylanishi mumkin bo‘lgan juda kuchli chempionatni yaratishdi.

Mamlakatning turizm elchisi sifatida bu joy meni o‘ziga tortdi. Ayniqsa, men borgan barcha joylar menga yoqdi, bu mamlakatda futbol rivojlanayotgani va yuqori saviyadagi chempionat tashkil etish borasidagi sa’y-harakatlari tufayli.

Saudiya Arabistoni va MLS – bu ikki variant menga juda qiziq tuyuldi", dedi "Inter Mayami" futbolchisi Lionel Messi.