"Tottenxem" bosh murabbiyi Ange Postekoglu jamoasidagi muammolar haqida gapirdi.
"Bu muammoni e’tiborsiz qoldirib bo‘lmaydi - siz uni hal qilish ustida ishlashingiz, mashq qilishingiz kerak. Katta klubda o‘ynasangiz, bu sizning mas’uliyatingizning bir qismidir. Yaxshi futbol o‘ynadik, deb bahona topmoqchi emasman. Bu yetarli emas, bizni shunchaki yaxshi o‘yindan qoniqtirib bo‘lmaydi.
Men o‘z o‘yin uslubimni odamlarga zavq bag‘ishlagani uchun emas, balki g‘alaba keltirgani uchun tanlaganman. Albatta, o‘yinimiz odamlarga yoqqanidan xursandman, lekin asosiysi g‘alaba qozonish. Bu omillar bir-birini inkor etmasligi kerak”, — dedi murabbiy.
