"Тоттенхэм" бош мураббийи Анге Постекоглу жамоасидаги муаммолар ҳақида гапирди.
"Бу муаммони эътиборсиз қолдириб бўлмайди - сиз уни ҳал қилиш устида ишлашингиз, машқ қилишингиз керак. Катта клубда ўйнасангиз, бу сизнинг масъулиятингизнинг бир қисмидир. Яхши футбол ўйнадик, деб баҳона топмоқчи эмасман. Бу етарли эмас, бизни шунчаки яхши ўйиндан қониқтириб бўлмайди.
Мен ўз ўйин услубимни одамларга завқ бағишлагани учун эмас, балки ғалаба келтиргани учун танлаганман. Албатта, ўйинимиз одамларга ёққанидан хурсандман, лекин асосийси ғалаба қозониш. Бу омиллар бир-бирини инкор этмаслиги керак”, — деди мураббий.
