"Arsenal" bosh murabbiyi Mikel Arteta Angliya Premyer-ligasining 11-turidan o‘rin olgan "Nyukasl"ga (1:0) qarshi o‘yindan so‘ng hakamlarga nisbatan tanqidiy bayonotlari uchun jazolanmaydi. Bu haqda Angliya futbol assosiasiyasi qaroriga asoslanib, "Arsenal" rasmiy sayti xabar bermoqda.

Xabar qilinishicha, mustaqil tartibga solish komissiyasi Mikel Artetaga qo‘yilgan qoidalarni buzganlikda ayblovni isbotlanmagan deb topdi. Eslatib o‘tamiz, dekabr oyi boshida Arteta Angliya futbol assosiasiyasi vakillari bilan uchrashib, "Nyukasl" bilan o‘yinni boshqarayotgan hakamlarga aytgan so‘zlarini muhokama qilgani haqida xabar berilgandi. Angliya futbol ma’murlari ispaniyalik mutaxassisga E3.1 qoidasini buzganlikda (o‘yin rasmiylarini haqorat qilish va o‘yin obro‘siga putur yetkazish) ayblov qo‘yilgandi.

"Arsenal" joriy mavsum Angliya Premyer-ligasining 16-turidan so‘ng 36 ochko jamg‘arib, turnir jadvalida ikkinchi o‘rinda bormoqda. “Liverpul” peshqadam (37 ochko).