«Inter» sport direktori Pyero Auzilio jamoaning maqsadlari haqida gapirdi.
«Neradzurrilar» A Seriyaning 15-turidan keyin 38 ochko bilan «Yuventus»dan 2 ochko oldinda bormoqda.
«Maqsadimiz – Skudetto, biz buni yashirmaymiz. Raqiblarning ham maqsadi bir. Mavsum boshlanganda «Yuventus», «Napoli» va «Milan» ham chempionlikni qo‘lga kiritishni maqsad qilgan.
Agar skudetto bizga nasib qilmasa, biz g‘oliblarni tabriklaymiz va keyingi yil g‘alaba qozonishni intiqlik bilan kutamiz.
«Inter»da boshqa vazifalar bo‘lishi mumkin emas», - deya sport direktorining so‘zlarini keltiradi Fcinter1908.
