"Real" bosh murabbiyi Karlo Anchelotti Ispaniya chempionatining 17-turidan o‘rin olgan "Vilyarreal"ga qarshi o‘yin natijasi haqida fikr bildirdi. "Los-Blankos" 4:1 hisobida yirik g‘alabani tantana qildi.
"Bu haqiqiy jamoaviy harakat edi, biz hamkorlikning ajoyib darajasini ko‘rsatdik. "Real" himoyadagi bosim bo‘yicha mavsumning eng yaxshi o‘yinlaridan birini o‘tkazdi", - dedi Anchelotti "Qirollik klubi" matbuot xizmatiga.
Ispaniya chempionatining 17-turi natijalariga ko‘ra, madridliklar 42 ochko jamg‘arib, turnir jadvalida birinchi o‘rinda bormoqda. Anchelotti shogirdlari ikkinchi o‘rindagi “Jirona”dan bir ochko oldinda.