"Manchester Siti" yarim himoyachisi Bernardu Silva futbol taqvimi haqida gapirdi.
Eslatib o‘tamiz, yaqinda FIFA 2025 yilgi klublar o‘rtasidagi jahon chempionatida 32 ta jamoa ishtirok etishini e’lon qilgan edi. "Manchester Siti" turnirdagi o‘rnini allaqachon qo‘lga kiritgan.
"Biz bilan maslahatlashgani yo‘q, biz faqat o‘z ishimizni qilishga harakat qilyapmiz. Haqiqat shundaki, o‘yinlar soni yangi turnirlar bilan ortib ketmoqda. Dam olishning yetishmasligi jarohatlanish xavfini sezilarli darajada oshiradi.
Kengaytirilgan Jahon chempionati yuqori saviyadagi turnir bo‘ladi, lekin juda ko‘p o‘yinlar bilan yuqori saviyada barqaror o‘ynash qiyin.
Men yolg‘on gapirmayman, ba’zida o‘zimni charchagandek his qilaman. Biz har uch kunda, dam olmasdan o‘ynaymiz. Bizda Rojdestvo yo‘q, bizda yoz yo‘q. Ammo bu top-klubda o‘ynash va barcha sovrinlar uchun kurashish uchun to‘lash kerak bo‘lgan tovon", - dedi Bernardu The Guardian bilan suhbatda.
