"Манчестер Сити" ярим ҳимоячиси Бернарду Силва футбол тақвими ҳақида гапирди.

Эслатиб ўтамиз, яқинда ФИФА 2025 йилги клублар ўртасидаги жаҳон чемпионатида 32 та жамоа иштирок этишини эълон қилган эди. "Манчестер Сити" турнирдаги ўрнини аллақачон қўлга киритган.

"Биз билан маслаҳатлашгани йўқ, биз фақат ўз ишимизни қилишга ҳаракат қиляпмиз. Ҳақиқат шундаки, ўйинлар сони янги турнирлар билан ортиб кетмоқда. Дам олишнинг етишмаслиги жароҳатланиш хавфини сезиларли даражада оширади.

Кенгайтирилган Жаҳон чемпионати юқори савиядаги турнир бўлади, лекин жуда кўп ўйинлар билан юқори савияда барқарор ўйнаш қийин.

Мен ёлғон гапирмайман, баъзида ўзимни чарчагандек ҳис қиламан. Биз ҳар уч кунда, дам олмасдан ўйнаймиз. Бизда Рождество йўқ, бизда ёз йўқ. Аммо бу топ-клубда ўйнаш ва барча совринлар учун курашиш учун тўлаш керак бўлган товон", - деди Бернарду The Guardian билан суҳбатда.