"Almeriya" "Santyago Bernabeu"ni hafsalasi pir bo‘lgan holda tark etadi. Birinchi bo‘limdan so‘ng jamoa "Real"ni 2:0 hisobida mag‘lub etayotgandi, ammo yakunda "qaymoqranglilar" g‘alabani tantana qilishdi - 3:2 o‘z foydasiga.
Madriddagi o‘yindan so‘ng "Almeriya" vakillari hakamlikdan norozi bo‘lishdi. Bu haqda klub matbuot xizmati ijtimoiy tarmoqlarda alohida ta’kidladi.
“Bizdan o‘yin hisobotini e’lon qilishimizni kutmang. Hammasi aniq edi”, dedi "Almeriya" bayonotida. Aytish joizki, “Almeriya” ayni damda Ispaniya chempionati turnir jadvalida so‘nggi o‘rinni egallab turibdi.
