"Bavariya" darvozaboni Manuel Noyer Bundesligada "Verder"ga qarshi o‘z uyidagi mag‘lubiyat haqida fikr bildirdi. "Qizil mashina" va chempionat peshqadami "Bayer" o‘rtasidagi farq 7 ochkoga ko‘tarildi.
“Oxirgi 25 daqiqada vaziyatlar yaratdik. Menimcha, jamoamiz kamida bitta gol urishga haqli edi. Biroq, biz juda kech uyg‘ondik va uchrashuvni boshqacha boshlashimiz kerak edi. Biz vaziyatning jiddiyligini tushunamiz va "Bayer"ning natijalaridan xabardormiz. Biz bor e’tiborimizni o‘z o‘yinimizga qaratishimiz va o‘yinlarimizda g‘alaba qozonishimiz kerak", - deydi darvozabon.