"Neftchi" yangi mavsum uchun tarkibni kuchaytirishda davom etmoqda. Bugun moldovalik tajribali futbolchi Ketelin Karp "Neftchi" bilan shartnoma imzoladi va yangi mavsumda farg‘onaliklar yarim himoya chizig‘ida harakat qiladigan bo‘ldi.
Ma’lumot uchun, Karp o‘tgan mavsumni Moldova chempionatida to‘p suruvchi "Uta-Arad" jamoasida o‘tkazdi. Futbolchi Rossiyaning "Ufa" jamoasidagi ko‘p yillik faoliyati orqali tanish bo‘lib ulgurgan. K.Karp futbolchilik faoliyati davomida Ruminiyaning kuchli klublarida, shuningdek Ukraina, Rossiya va Moldova klublarida faoliyat olib borgan. Futbolchi bugungi kunda Moldova milliy terma jamoasining asosiy futbolchilaridan hisoblanadi.
"Ahil jamoamiz va jonkuyar muxlislarimiz nomidan Ketelin Karpga yangi mavsumda "Neftchi"dagi faoliyatida omad va zafarlar tilab qolamiz! ", deyiladi klub bayonotida.
