O‘z tarixida ilk marta Osiyo kubogida ishtirok etayotgan Tojikiston terma jamoasi dastlabki sensasiya muallifiga aylandi. Qo‘shnilarimiz nimchorak finalda Birlashgan Arab Amirliklarini mag‘lub etib, chorak final yo‘llanmasini qo‘lga kiritishdi.

Bahsning 30-daqiqasida Vahdat Xanonov hisobni ochishga muvaffaq bo‘ldi. BAA terma jamoasi esa 90+5-daqiqada mag‘lubiyatdan qutulib qolib, o‘yinni qo‘shimcha bo‘limlarga ko‘chirdi.

Qo‘shimcha bo‘limlarda tomonlar nisbatan ehtiyotkor o‘yin namoyish etishdi va hisob o‘zgarmadi. Penaltilar seriyasida esa omad Tojikistonga kulib boqdi. Darvozabon Rustam Yatimov bitta zarbani qaytargan bo‘lsa, BAA darvozaboni 5 ta penaltida birortasini qaytara olmadi.

Penaltilar seriyasida Tojikiston 5:3 hisobida g‘alaba qozonib, chorak finalga yo‘l oldi. Qo‘shnilarimiz bu bosqichda Iroq-Iordaniya juftligi g‘olibiga qarshi maydonga tushadi.

Osiyo kubogi-2023. 1/8 final
TOJIKISTON - BAA - 1:1 (1:0)
Qo‘shimcha bo‘limlar - 0:0. Penaltilar seriyasi — 5:3.
Gollar: Vahdat Xanonov (30) — Xalifa al-Hammadiy (90+5)