“Andijon” seleksiya ishlarini davom ettirmoqda. Bu safar “Burgutlar” o‘z safini kelajagi porloq darvoazbon bilan to‘ldirmoqda.
Gap shundaki, SSKA yoshlar jamoasida o‘ynagan va Suriya terma jamoasi darvozaboni hisoblangan Maksim Sarraf endi “Andijon” klubida faoliyat olib boradi. Mazkur posbon jamoa bilan shartnoma imzoladi.
Ma’lumot uchun, Maksim Sarraf 2005 yilning 15 mart kuni tavallud topgan. U Moskvaning SSKA klubi tarbiyalanuvchisi sanaladi. Darvozabon SSKA akademiyasi va SSKAning yoshlar jamoasida darvozani qo‘riqlagan.
Bundan tashqari, Suriya U-20 va U-23 terma jamoalarida ham ishtirok etgan. Yaqinda Qatarda bo‘lib o‘tgan Osiyo Kubogida Maksim Sarraf Suriya terma jamoasiga jalb qilindi.
