Myunxenning “Bavariya” klubi bosh murabbiyi Tomas Tuxel Angliya Premyer-ligasida ishlash imkoniyatiga ega. Bu haqda Sportslens jurnalistlariga ma’lum bo‘ldi.
Manbaga ko‘ra, mashhur nemis mutaxassisi xizmatlariga Londonning "Vest Xem" klubi qiziqish bildirmoqda. "Bolg‘achilar" rahbariyati Tuxelni Devid Moyesga o‘rinbosar sifatida ko‘rmoqda.
Londonliklar so‘nggi uchrashuvlardagi natijalardan norozi va hozirgi murabbiyini ishdan bo‘shatishlari mumkin. Angliya chempionatining 24-turidan so‘ng “Vest Xem” 36 ochko jamg‘arib, turnir jadvalida sakkizinchi o‘rinda bormoqda.