Мюнхеннинг “Бавария” клуби бош мураббийи Томас Тухель Англия Премьер-лигасида ишлаш имкониятига эга. Бу ҳақда Sportslens журналистларига маълум бўлди.
Манбага кўра, машҳур немис мутахассиси хизматларига Лондоннинг "Вест Хэм" клуби қизиқиш билдирмоқда. "Болғачилар" раҳбарияти Тухелни Дэвид Мойесга ўринбосар сифатида кўрмоқда.
Лондонликлар сўнгги учрашувлардаги натижалардан норози ва ҳозирги мураббийини ишдан бўшатишлари мумкин. Англия чемпионатининг 24-туридан сўнг “Вест Хэм” 36 очко жамғариб, турнир жадвалида саккизинчи ўринда бормоқда.