Hujumchi Rafael Leau yozgi transfer oynasida “Milan”ni tark etishi mumkin.
Goal portalining La Gazette dello Sport nashriga tayanib xabar berishicha, agar taklif 100 million yevrodan oshsa, «rossonerilar» portugaliyalik yulduzni sotishga tayyor bo‘ladi.
Qayd etilishicha, 24 yoshli Leauning amaldagi shartnomasida 175 million yevrolik sotib olish varianti mavjud va «Milan»ni yuz milliondan kam mablag‘ ham qoniqtirmaydi.
So‘nggi paytlarda Rafael Leauning "PSJ" bilan bog‘lanishi haqida mish-mishlar faol tarqalmoqda.
Parijda ular portugaliyalikni Kilian Mbappe o‘rnini bosa oladigan futbolchi sifatida ko‘rishadi.
