"Bavariya" markaziy himoyachisi Dayo Upamekano so‘nggi o‘yinlardagi muvaffaqiyatsizliklari tufayli o‘z obro‘siga putur yetkazdi. Fransiyalik futbolchi so‘nggi haftada ikki marta maydondan chetlatildi, avvaliga Chempionlar ligasi doirasida “Lasio”ga qarshi o‘yinda to‘g‘ridan-to‘g‘ri qizil kartochka oldi, so‘ngra atigi to‘rt kundan so‘ng Bundesligada “Boxum”ga qarshi o‘yinda ikkita sariq kartochka oldi.
Har ikki o‘yin ham “Bavariya”ning mag‘lubiyati bilan yakunlangan. SportBild xabariga ko‘ra, Upamekanoning Myunxen klubidagi kelajagi so‘roq ostida.
Markaziy himoyachi xuddi o‘tgan mavsumdagidek muhim o‘yinlarda qo‘pol xatolarga yo‘l qo‘ydi va "Bavariya" endi uning qobiliyatiga shubha qilmoqda.
