"Бавария" марказий ҳимоячиси Дайо Упамекано сўнгги ўйинлардаги муваффақиятсизликлари туфайли ўз обрўсига путур етказди. Франциялик футболчи сўнгги ҳафтада икки марта майдондан четлатилди, аввалига Чемпионлар лигаси доирасида “Лацио”га қарши ўйинда тўғридан-тўғри қизил карточка олди, сўнгра атиги тўрт кундан сўнг Бундеслигада “Бохум”га қарши ўйинда иккита сариқ карточка олди.
Ҳар икки ўйин ҳам “Бавария”нинг мағлубияти билан якунланган. SportBild хабарига кўра, Упамеканонинг Мюнхен клубидаги келажаги сўроқ остида.
Марказий ҳимоячи худди ўтган мавсумдагидек муҳим ўйинларда қўпол хатоларга йўл қўйди ва "Бавария" энди унинг қобилиятига шубҳа қилмоқда.
