Birlashgan Arab Amirliklari chemppionatining 14-turida «Xorfakkan» safarda «Hatta» klubi mehmoni bo‘ldi. Mehmonlar safida Abdulla Abdullayev va Azizbek Amonov o‘yinni asosiy tarkida boshlashdi.

«Xorfakkan» ilk daqiqadayoq hisobni ochishga muvaffaq bo‘ldi. Raniyelning zarbasini «Hatta» posboni qaytara olmadi. 22-daqiqada esa Azizbek Amonov jamoasining ikkinchi golini urib, BAA chempionatida gollari hisobini ochdi.

Ushbu hisob o‘yin oxirigacha saqlanib qoldi. Hamyurtlarimiz bahsda to‘liq ishtirok etishdi.

Mazkur g‘alabadan keyin «Xorfakkan» o‘z ochkolarini 17 taga yetkazib, jadvalda 7-o‘ringa ko‘tarilib oldi.