Fransiya 1-ligasi bizni "PSJ" hujumchisi Kilian Mbappening gollari, shuningdek Abduqodir Husanovning harakatlari bilan xursand qilishda davom etmoqda. Bugun biz bu mavsumda kimning g‘alaba qozonish imkoniyati eng yuqori ekanligini aniqlashga urinib ko‘ramiz.
"Brest"
"Brest" jamoasi 14-o‘rinni egallagan o‘tgan mavsumga nisbatan ajoyib natijalar ko‘rsatmoqda. Ayni damda Erik Roy shogirdlari 22 turda 40 ochko jamg‘argan holda turnir jadvalida ikkinchi o‘rinda bormoqda. Biroq, "Brest" va peshqadam "PSJ" o‘rtasidagi farq allaqachon 13 ochkoni tashkil etadi, shuning uchun "qizil-oqlar"ni chempionat favoritlari qatorida jiddiy ko‘rib chiqish dargumon.
G‘alaba qozonish ehtimoli: 2%
"Monako"
Adi Xyutter jamoasi yangi mavsumga g‘alabali seriya bilan kirishdi va to‘qqizinchi turgacha turli muvaffaqiyatlar bilan turnir jadvalining eng yuqori pog‘onasidan joy oldi, ammo bundan keyin hammasi ko‘ngildagidek bo‘lmadi. Monegasklar muntazam ravishda jarohatlar tufayli futbolchilarini yo‘qotishni boshladilar va shu bilan birga maqomi past raqiblar bilan o‘yinlarda ochko yo‘qotishdi. "Monako" hozirda Liga 1 turnir jadvalida beshinchi o‘rinni egallab turibdi va hozircha uzoq kutilgan kubok uchun da’vogar hisoblanmayapti.
G‘alaba qozonish ehtimoli: 5%
"Lill"
“Lill” esa aksincha vaziyatga ega. Jamoa yangi mavsumga nihoyatda omadsiz kirdi, olti uchrashuvda bor yo‘g‘i ikkita g‘alaba qozondi. Biroq, asta-sekin kichik inqirozdan chiqib ketishga muvaffaq bo‘lishdi va hozirda yaxshi natijalarni ko‘rsatishmoqda, ammo ular yo‘qotishlarsiz tura olmaydi. Masalan, yaqinda “Lill” “Monpelye”ni mag‘lub eta olmadi, avvalroq “Strasburg”ga imkoniyatni boy berdi.
G‘alaba qozonish ehtimoli: 7%
"Nissa"
"Nissa" nafaqat natija, balki o‘yin sifati bo‘yicha ham munosib sakrashga erishdi. Aytish joizki, hatto “PSJ” ustozi Luis Enrike ham “Nissa”ga qarshi o‘yin oldidan “burgutlar”ning maydondagi tartib-intizomini olqishlagandi. "Nissa" yangi mavsumni juda muvaffaqiyatli boshladi, faqat 14-turda ilk mag‘lubiyatini qabul qilib oldi. Biroq so‘nggi paytlarda jamoada ishlar yaxshi ketayotgani yo‘q, chunki "Nissa" "Lion" va "Monako" bilan o‘yinlarda ikki marta mag‘lub bo‘ldi va "Brest"ni ham mag‘lub eta olmadi.
G‘alaba qozonish ehtimoli: 11%
"PSJ"
Albatta, Fransiya 1-ligasining oltin medallari uchun yana bir bor asosiy da’vogar “PSJ” bo‘lib turibdi, chunki ikkinchi o‘rindan 13 ochkolik mustahkam ustunlik o‘z-o‘zidan hammasini ifodalaydi. Mavsum yakuniga qadar hali ko‘p vaqt bor, lekin bunday farqni yo‘qotish oson bo‘lmaydi. Aytish joizki, so‘nggi 11 mavsum davomida "PSJ" bor-yo‘g‘i ikki marta chempionlikni boy bergan bo‘lsa, bu yil chempionlikni qo‘ldan boy berishiga asos yo‘q.
G‘alaba qozonish ehtimoli: 75%
