"Inter" sardori Lautaro Martines joriy mavsum liganing 23 o‘yinida 22 ta gol urdi va Chiro Immobile va Gonsalo Iguain tomonidan o‘rnatilgan A Seriya rekordini yangilashga erishish umidida.
Argentinalik yulduz yakshanba kuni “neradzurrilar”ning A Seriya doirasida “Lechche”ga qarshi bahsida porladi va klub 4:0 hisobida g‘alaba qozongan bahsida dubl qayd etdi.
Gollar hujumchining liga mavsumidagi 21 va 22-gollari bo‘lib, uni to‘purarlar poygasida bemalol peshqadamga aylantirdi.
Lautaroda 14 ta gol urish uchun 13 ta o‘yin borligini ta’kidlash kerak, bu 2015-16 yilgi mavsumda Iguainning "Napoli"dagi va 2019-20 yilgi mavsumda "Lasio"da Immobile o‘rnatgan 36 goldan iborat rekordga tenglashish imkonini beradi.
