Ulug‘bek Baqoyev ushbu mavsumda kuchli tarkib yig‘a oldi. Mahoratli futbolchilar jamoaga taklif qilindi. O‘z vaqtida Jasur Hasanov va Vitaliy Denisovning milliy termada ko‘rsatgan o‘yinlari oldida shlyapamni yechaman va hozirgi jismoniy holatiga qoyil qolmasdan iloj yo‘q.

Quvonarlisi, buxorolik futbolchilar Shodmonov va Jo‘rayevning o‘z qadrdon jamoasiga qaytishi bo‘ldi. Shu bilan birgalikda Baqoyev bir necha legioner futbolchilarni ham taklif etdi. Belaruslik chap qanot himoyachisi Yaroslav Makushinskiy qanotda tajribali Denisov bilan raqobatlashadi.

Himoya markazida serbiyalik Marko Kolakovich ham taklif etilgan. Oldingiz chiziqda bosniyalik huchumchi Domenik Begichdan ko‘p narsa kutilmoqda.  

So‘zsiz, «Buxoro» jamoasi Pro Liganing bu yilgi mavsum asosiy favoritlaridan biri. Lekin bir narsani esdan chiqarmaslik kerak, maydonda futbolkadagi nomlar katta ahamiyat kasb etmasligi mumkin. Negaki raqiblar ham maydonga shunchaki tushmaydi!