"Manchester Siti"ning sobiq himoyachisi Bakari Sanya kataloniyalik mutaxassis Pep Gvardiola 2016-yilda klubni boshqarishga kelganidan keyin "Manchester Siti"dagi ish madaniyati va ichki ishlarni qanday o‘zgartirgani haqida gapirdi.
Uning fikriga ko‘ra, Gvardiolaning birinchi qilgan ishi kiyinish xonasidagi vayfayni o‘chirish bo‘lgan.
"U kelganidan so‘ng darhol yechinish xonasidagi vayfay yo‘qoldi - ma’lum bo‘lishicha, abadiyga. O‘shanda biz o‘zimizni bolalardek his qildik, lekin keyin bu to‘g‘ri ish ekanini angladik va natijalar hamma narsani tasdiqladi.
Jamoaning hozirgi yutuqlari - bu qabul qilingan qarorlar va to‘g‘ri mentalitetning natijasidir", - deya Sanyaning so‘zlarini keltiradi Derbyderbyderby.it.
