Gruziyalik yarim himoyachi Xvicha Kvarasxeliya hozirgi jamoasi “Napoli” bilan yangi mehnat shartnomasini imzolashi mumkin. Bu haqda ijtimoiy tarmoqlarda insayder Nikolo Shkira xabar berdi.
Jurnalistning yozishicha, neapolliklar klubi rahbariyati yarim himoyachiga 2029 yilning o‘rtalarigacha uzoq muddatli shartnoma taklif qilgan. Yangi kelishuvga ko‘ra Kvarasxeliyaning maoshi yiliga to‘rt million yevroni tashkil qiladi.
Italiya chempionatining joriy mavsumida Xvicha neapolliklar safida 26 ta o‘yin o‘tkazdi. Yarim himoyachi o‘nta gol urdi va to‘rtta golli uzatmani amalga oshirdi.
