Angliyaning “Nyukasl” klubi Angliya kubogi chorak finalida “Manchester Siti”ga yutqazib, turnirni tark etdi.

Butun o‘yin davomida "qarg‘alar" "shaharliklar" darvozabonini faqat ikki marta bezovta qilishga harakat qildi - "Nyukasl" raqib darvozasiga bor yo‘g‘i ikkita zarba yo‘lladi, bu jamoaning 2015 yildan beri o‘zi ishtirok etgan har qanday turnirdagi eng yomon ko‘rsatkichi edi.

O‘shanda, 2015 yilning noyabr oyida "Nyukasl" Angliya chempionati doirasidagi o‘yinda "Bornmut" darvozasiga bor-yo‘g‘i ikki marta zarba bergan, ammo 1:0 hisobida g‘alaba qozongan.

Biroq “Lester”ga chempionlikni olib kelgan o‘sha mavsum yakunida “Nyukasl” Premyer-ligadan tushib ketgandi.