Ilgiz Tantashev va uning jamoasi 12 aprel kuni Dohada bo‘lib o‘tadigan Qatar hamda Birlashgan arab amirliklari davlatlari o‘rtasidagi Superkubok musobaqasida ishlaydi. U “Al-Arabi” — “Sharja” uchrashuviga tayinlandi. Bu haqda Alisher Nikimbayev o‘z Telegram kanalida xabar qildi.
Ushbu Superkubok musobaqasi birinchi marta o‘tkazilayotgan yangi turnir hisoblanadi. Har ikki davlat tomonidan ikkitadan klub ishtirok etadi. Bu ishtirokchilar o‘z davlatlaridagi chempionat g‘oliblari va mahalliy kubok egalaridir.
Mamlakat chempionlari “Shabab Al-Ahli” va “Al-Duhail” Dubayda (13 aprel) birinchi o‘yinda maydonga tushsa, bir kun avval kubok sohiblari Dohada to‘qnash kelishadi.
Tantashev bilan birgalikda “Al-Tumama” stadionida bo‘lib o‘tadigan o‘yinni uning doimiy yordamchilari Timur Gaynulin va Andrey Tsapenko, zaxira hakami Ahrol Risqullayev, shuningdek, VAR hakami Akobirxo‘ja Shukurullayev va Abdurashid Xudoyberganovlar boshqarib boradi.
