Superliga 4-turi doirasida bugun kunning ikkinchi o‘yinida “Lokomotiv” Navoiyning “Qizilqum” klubi bilan kuch sinashadi. Uchrashuvni Temur To‘xtasinov boshqarishi rejalashtirilgan.
Ushbu jamoalar so‘nggi bor O‘zbekiston kubogining o‘tgan yilgi mavsumi guruh bosqichida (16-may, 2023-yil) to‘qnash kelishgan.
Toshkentliklarning 0:2 hisobidagi g‘alabasi bilan yakunlangan ushbu uchrashuvni Rustam Lutfullin boshchiligidagi hakamlar jamoasi boshqargan bo‘lib, o‘shanda bosh hakam cho‘ntagidan 5 ta sariq va 2 ta qizil kartochka chiqargan edi (har 2 jamoaning 1 nafardan o‘yinchisi maydondan chetlatilgan).
