"Bavariya"da bosh murabbiylikka uchta nomzod bor.

Fevral oyida Myunxen klubi mavsum yakunida Tomas Tuxelning ketishini elon qilgan edi. Xabi Alonso bo‘sh o‘rin uchun asosiy nomzod hisoblanardi, biroq u "Bayer"da qolishni tanladi.

Shundan so‘ng Roberto De Dzerbi "Bavariya" bosh murabbiyi lavozimiga asosiy nomzodga aylandi, deb yozadi The Times Myunxen klubi rahbariyati 44 yoshli mutaxassisni yuqori baholamoqda. Xususan, sport direktori Maks Eberl De Zerbining ashaddiy muxlisi. U yozda Roberto muzokaralar uchun tayyor bo‘ladimi yoki yo‘qmi, uni "Bavariya" bilan ishlash imkoniyati qiziqtiradimi yoki yo‘qligini allaqachon bilib olgan edi.

De Dzerbi, shuningdek, Yurgen Klopp yozda jamoani tark etish qaroridan so‘ng, "Liverpul"ning yangi bosh murabbiyi uchun nomzodlar ro‘yxatiga kiritilgan. "Bavariya"da bo‘lgani kabi, Alonso "Liverpul"ning asosiy nomzodi edi.

"Bavariya" bosh murabbiyligiga nomzodlar orasida ayni paytda Germaniya terma jamoasini boshqarayotgan Yulian Nagelsmann ham bor. U o‘tgan yilning mart oyida Myunxen klubi tomonidan ishdan bo‘shatildi, biroq hozirda "Bavariya"ning ba’zi xodimlari Nagelsmanning iste’fosi erta bo‘lgan deb hisoblashmoqda, ayniqsa Yuliandan keyin klubga qo‘shilgan Tuxelning o‘yinini hisobga olgan holda.

Uchinchi nomzod Avstriya terma jamoasi bosh murabbiyi Ralf Rangnik bo‘ldi.