"Arsenal" va "Tottenxem" yozda "Nyukasl"ning 24 yoshli hujumchisi Aleksandr Isaakni sotib olish uchun 100 million funt (117 million yevro) taklif qilishga tayyor. Bu haqda The Sun xabar bermoqda.

Manbaga ko‘ra, "Nyukasl" bosh murabbiyi Eddi Xau shvesiyalik futbolchining jamoani tark etishini istamayapti. Biroq, Isaakni sotish klubning amaldagi moliyaviy feyr pley qoidalariga rioya qilishdagi qiyinchiliklari tufayli zarur bo‘lishi mumkin. Agar "Nyukasl" keyingi mavsumda Yevropa musobaqalarida ishtirok eta olmasa, bu masala ayniqsa dolzarb bo‘lib qoladi.

Eslatib o‘tamiz, joriy mavsumda Isaak barcha turnirlarda 31 ta o‘yinda qatnashib, 18 ta gol va bitta golli uzatmani amalga oshirgan. Futbolchining klub bilan amaldagi shartnomasi 2028 yilning yoziga qadar amal qiladi.