"Chelsi" yarim himoyachisi Enso Fernandes "ko‘klar"ning Angliya Premyer-ligasidagi hozirgi holatidan norozi ekanligini aniq aytdi.

"Men Premyer-ligadan zavqlanyapman, ammo turnir jadvalidagi o‘rnimizdan mamnun emasman. Mag‘lub bo‘lishni emas, g‘alaba qozonishni yaxshi ko‘raman. Jamoadoshlarim va men jadvaldagi o‘rnimizdan g‘azabdamiz, lekin biz buni qabul qilishimiz va jarayonga ishonishimiz kerak", - deydi Fernandes.

Enso "Chelsi"ga 2023 yilning yanvarida Lissabonning "Benfika" klubidan 121 million yevro evaziga Premyer-liga rekordi evaziga o‘tgan edi. 23 yoshli yarim himoyachi joriy mavsum chempionatda 3 ta gol urdi va 2 ta golli uzatmani amalga oshirdi.