"Bavariya" Germaniya chempioni bo‘lish imkoniyatini deyarli yo‘qotdi. Jamoa chempionat yakunlanishiga 7 tur qolganida "Bayer"dan 13 ochko ortda qolmoqda. Ammo Tomas Tuxel tushkunlikka tushmaydi. Myunxenliklar jamoasi boshqaruvchisi Chempionlar ligasiga jiddiy yondashadi.
"Mavsum qanchalik qoniqarsiz bo‘lmasin, bizda baribir bitta maqsad bor - "Uembli"ga borish. Buning uchun biz har kuni bor kuchimizni berishimiz kerak. O‘zimizga bo‘lgan ishonch yoki ambisiyamizning foiz punktini ham pasayishiga yo‘l qo‘ya olmaymiz. Vaziyatdan norozimiz, lekin biz bundan maksimal darajada foydalanmoqchimiz", - dedi Tuxel matbuot anjumanida.
"Bavariya" Chempionlar ligasining chorak finalida "Arsenal" bilan o‘ynaydi.
