Madridning “Real” klubi markaziy himoyachisi Antonio Ryudiger “Manchester Siti” hujumchisi Erling Xolandni o‘ziga eng qiyin raqib deb hisoblamasligini yashirmadi.
“Men Xolandni eng qiyin raqibim deb atamagan bo‘lardim, lekin u, albatta, eng yaxshilardan biri. Men uchun eng qiyini Serxio Agueroga qarshi o‘yin bo‘lgan edi", - deya tan oldi Ryudiger matbuot anjumanida.
"Manchester Siti" va "Real" ertaga "Santyago Bernabeu"da Chempionlar ligasining birinchi chorak finalida o‘ynaydi. O‘tgan mavsumda Xoland ikki yarim finalning birortasida ham “Real” darvozasiga gol ura olmadi.
