"Al-Hilol" bosh murabbiyi Jorxe Jezus Saudiya Arabistoni Superkubogi yarim finalida "An-Nasr" (2:1) hujumchisi Krishtianu Ronalduning chetlatilishiga izoh berdi.
"Ronaldu dunyodagi eng muhim futbolchilardan biri va ko‘pchilik uchun o‘rnak, lekin u faoliyatida mag‘lubiyatga o‘rganmagan, shuning uchun u mag‘lub bo‘lganda o‘zini yo‘qotishi, shuningdek, hissiy va ruhiy konsentrasiyani yo‘qotishi tabiiy", - dedi Jezus O jogo bilan suhbatda.
Eslatib o‘tamiz, 86-daqiqada Ronaldu raqibga tirsagi bilan zarba bergani uchun to‘g‘ridan-to‘g‘ri qizil kartochka olgandi. Portugaliyalik futbolchi maydondan chetlatilgach, sardorlik bog‘ichini sherigiga tashlab, orqasiga o‘girilib, hakam tomon burildi.
