"Nyukasl" bosh murabbiyi Eddi Xau uchun juda muhim futbolchi bilan yangi shartnoma borasida kelishib oldi. Gap Joelinton haqida ketmoqda.
Jurnalist Fabrisio Romanoning xabariga ko‘ra, braziliyalikning yangi shartnomasi 4 yilga mo‘ljallangan. Qayd etilishicha, tomonlar hozir barcha tafsilotlarni tekshirmoqda, shundan so‘ng yarim himoyachi yangi shartnoma imzolashi kerak.
27 yoshli Joelinton Angliya Premyer-ligasining ushbu nashrida bor-yo‘g‘i 12 ta o‘yinda maydonga tushib, 2 ta gol va 1 ta golli uzatmani amalga oshirdi. Braziliyalik futbolchi jarohati tufayli ko‘plab o‘yinlarni o‘tkazib yubordi.
