Vengriyalik "Liverpul" yarim himoyachisi Dominik Soboslai mersisayd klubiga o‘tishga qanday qaror qilganini tushuntirib berdi.
"Agar "Liverpul" sizni xohlasa, boshqa hech narsa haqida o‘ylamaysiz. Lekin Yurgen Kloppning klubda bo‘lgani qarorimga ta’sir qildi, albatta. U menga qo‘ng‘iroq qildi, shartnoma imzolashimdan oldin biz yaxshi suhbatlashdik va u meni ko‘rishni xohlayotganini aytdi va men ularga qo‘shilishni xohlayotganimni aytdim. Men tezda qaror qabul qildim", - deya esladi Soboslai.
Dominik Soboslai o‘tgan yozda mersisaydlik futbolchiga aylandi. Joriy mavsumda venger “qizillar” safida barcha musobaqalarda 37 ta o‘yinda maydonga tushib, 7 ta gol urdi va 4 ta golli uzatmani amalga oshirdi.
