"Manchester Yunayted"ning sobiq sardori Pol Skoulz jamoaning mashg‘ulotlaridan noroziligini omma oldida aytib o‘tib, futbolchilarning qalpoqchalarda mashg‘ulot o‘tkazayotganiga alohida e’tibor qaratdi.

Faxriyning so‘zlariga ko‘ra, bu kiyim aksessuari ularga to‘liq quvvat bilan mashq qilish imkonini bermaydi. Shu bilan birga, Skoulz yomon ob-havo sharoitida bosh kiyim va qo‘lqoplardan foydalanish mumkinligini, ammo qalpoqchalar faqat futbolchilarga to‘sqinlik qilishini ta’kidladi. Bu haqda u o‘zining ijtimoiy tarmog‘ida yozgan.

Eslatib o‘tamiz, joriy mavsumda 31 ta o‘yindan so‘ng “Manchester Yunayted” turnir jadvalida oltinchi o‘rinda bormoqda.