"Atalanta"da bir yillik ijara asosida o‘ynayotgan "Milan" hujumchisi Sharl de Ketelare Bergamo klubiga to‘liq o‘tishi mumkinligi haqida fikr bildirdi. Avvalroq, "Atalanta" ijaraga olingan futbolchini sotib olish variantidan foydalanish niyatida ekanligini ma’lum qilgandi.

"Atalanta" meni 23 million yevroga sotib olish imkoniyatiga ega, ammo bu ularning ishi. Bu yerda qolishdan juda xursand bo‘lardim, bu yerda baxtliman. "Milan"ga qaytish variantiga kelsak, bu, albatta, top-klub, lekin men o‘ynashni xohlayman. Men 23 yoshdaman va zaxirada qolishni istamayman”, dedi De Ketelare.

Joriy mavsumda De Ketelare “Atalanta” safida barcha musobaqalarda 36 ta o‘yin o‘tkazib, 10 ta gol va 8 ta golli uzatmani amalga oshirdi. Futbolchining "Milan" bilan shartnomasi 2027 yilning iyun oyi oxirigacha amal qiladi.